«ПСЖ»нинг собиқ ярим ҳимоячиси Марко Верратти нега 10 йилдан сўнг жамоани тарк этгани ҳақида гапирди.

Эслатиб ўтамиз, бунга бош мураббий Луис Энрикенинг қарори сабаб бўлган ва у Верраттига италиялик футболчи унинг режаларига кирмаслигини аниқ айтган.

«Энрике мен унинг режаларида эмаслигимни айтди, бу қарорни ҳурмат қиламан, у ажойиб мураббий.

У менга клубни ўзгартиришни хоҳлаётганини айтди. Мен 10 йил давомида «ПСЖ»да бўлдим ва Луис клубга янги нарса олиб келмоқчи эди», - деди Верратти.

Эслатиб ўтамиз, Верратти ёзда Қатарга кўчиб ўтган ва у ерда маҳаллий «Ал-Араби» билан шартнома имзолаган эди.