«Ливерпуль» марказий ҳимоячиси Виржил ван Дейк Англиядаги тиғиз тақвим ҳақида гапирди.
«Англиядаги календарь биз учун жуда ҳам оғир. Футболчилар яхши маош олишади, аммо бу бизнинг соғлигимизга зарар келтирмаслиги керак.
Биз кўпроқ ўйнашимизга тўғри келмоқда. «Футболчилар бу ҳақда гапиришни бошлашлари керак», - деди ван Дейк.
Жорий мавсумда 32 ёшли ҳимоячи барча турнирларда еттита ўйин ўтказиб, иккита голга ассистентлик қилди.
Яқин орада «Ливерпуль» «Эвертон» (21-октябрь), «Тулуза» (26-октябрь), «Ноттингем Форест» (29-октябрь), «Лутон Таун» (4 ноябрь), «Тулуза» (9 ноябрь) ва «Брентфорд» (11 ноябрь) билан куч синашади.
