Италиянинг “Ювентус” клуби ярим ҳимоячиси Николо Фажоли футбол мусобақаларига пул тикишда айбланди.

Correira Della Serra хабарига кўра, 22 ёшли футболчи жазони қисқартиришга умид қилиб, ҳамма нарсани тан олишга қарор қилди. Шу билан бирга, Фажоли ўзи ўйнаган клубларнинг ўйинларига ҳеч қачон пул тикмаганини таъкидлади.

Манбанинг хабар беришича, футболчи қимор ўйинларига мойиллигини тан олган, шу сабабли у ёшлигидан покер ўйнаган.

Аввалроқ Фажоли 3 йилга футболдан четлатилиши мумкинлиги ҳақида хабар берилганди. Бундан ташқари, у 25 минг евро миқдорида жаримага тортилиши мумкин.

Жорий мавсумда ярим ҳимоячи А Серияда 6 та ўйин ўтказиб, битта голли узатмани амалга оширди.