"Борнмут"нинг собиқ ярим ҳимоячиси Жуниор Станислас 33 ёшида профессионал футболчилик фаолиятини якунлади. Футболчининг қарори ҳақида "Гилослар" матбуот хизмати ижтимоий тармоқларда маълум қилди.
Станислас Лондонда туғилган ва футболчилик фаолиятини 2000 йилда пойтахтнинг "Вест Хэм" клуби академиясида бошлаган. "Болғачилар" сафида у биринчи марта 2008 йилда катталар даражасига кўтарилди. 2011 йилда у "Бёрнли"га ўтди, 2014 йилда эса "Борнмут" сафига қўшилди ва 2023 йилнинг июлигача уни тарк этмади.
Умуман олганда, Станисласнинг фаолияти давомида барча расмий турнирларда жами 344 та ўйин ўтказиб, у 60 та гол урган ва 52 та голли узатмани амалга оширган.
