"Бордо" ўзининг расмий сайтида Альберт Риера жамоага бош мураббий этиб тайинлангани ҳақида эълон қилди.
Пайшанба куни 41 ёшли испаниялик француз клуби билан 2025 йилгача мўлжалланган шартнома имзолади. У 7 октябр куни "Лавал"дан 0:1 ҳисобидаги мағлубиятдан сўнг ишдан бўшатилган Девид Гийоннинг ўрнини эгаллади.
Риера бунгача “Галатасарой”да ёрдамчи мураббий бўлиб ишлаган, шунингдек, “Олимпиа” ва “Целе” жамоаларини бошқарган. Риера футболчилик фаолияти давомида 2003 йилдан 2005 йилгача "Бордо"да ўйнаган.
10 турдан кейин “Бордо” 11 очко билан турнир жадвалида 13-ўринда бормоқда.
