Украинанинг "Шахтёр" клуби футболчиси Александр Распутько Россияга қочиб, сиёсий бошпана сўради, деб ёзмоқда "Брутал футбол" нашри.
Манбанинг хабар беришича, бу УЕФА Ёшлар лигаси доирасида "Антверпен"га қарши ўйиндан кейин содир бўлган. Ярим ҳимоячининг ғойиб бўлгани у Украинага қайтиш учун аэропортга келмаганидан кейин сезилган.
Эслатиб ўтамиз, Распутько Украина U19 терма жамоаси футболчиси ҳисобланади. Ярим ҳимоячи терма жамоа билан тўртта ўйин ўтказди.
Александрнинг "Шахтёр" билан амалдаги шартномаси муддати келаси йилнинг июнь ойи охиригача мўлжалланган.