Германиялик собиқ машҳур футболчи Мирослав Клозе Словенияда мураббийлик фаолиятини давом эттириши мумкин.
Nogomania ўз саҳифаларида хабар беришича, 45 ёшли мутахассис «Олимпия» билан музокаралар олиб бормоқда.
Мирослав Клозе жорий календарь йилнинг март ойидан бери мураббийлик ишига эга эмас эди. Германия терма жамоасининг собиқ ҳужумчиси Австриянинг «Альтах» жамоаси бош мураббийи лавозимини тарк этди. Клозе аввалроқ «Бавария» мураббийлар штабида ишлаган.
Эслатиб ўтамиз, Мирослав Клозе 2016 йилнинг ёзида футболчилик фаолиятини якунлаган эди. Унинг сўнгги клуби «Лацио» эди.