"Рома" ҳужумчиси Стефан Эл-Шаарави Евро-2024 саралаш босқичи доирасидаги Мальта ва Англияга қарши ўйинларга тайёргарлик кўриш учун икки йилдан ортиқ вақтдан бери илк бор Италия терма жамоасига чақирилди.
Сандро Тонали ва Николо Дзаньоло ўйинчиларга пул тикиш қоидаларини бузганликда гумон қилинаётган терговлар чоғида уйига жўнатилганидан кейин Эл-Шаарави чақирилган. Федерико Кьеза ҳам жароҳат туфайли терма жамоани тарк этди.
30 ёшли Эл-Шаарави Италия терма жамоаси сафида 29 та ўйинда 6 та гол урди, бироқ 2021 йилнинг март ойидан бери миллий терма жамоада ўйнамади. Жорий мавсумда Штефан "Рома"нинг асосий таркибидан муқим жой эгаллагани йўқ ва барча мусобақаларда 8 учрашувда бир марта ҳам гол ура олмади.