Туриннинг "Ювентус" клуби жароҳати сабали узоқ муддатга сафдан чиққан ҳимоячи Жоржьо Кьеллинининг ўрнига ҳимоячи қидирмоқда.

Туринликлар бу ўринга "Сиена" ҳимоячиси Луише Нету ва "Аталанта" ҳимоячиси Фредерико Пелузоларни кўзламоқда, дея хабар беради Football Italia.

"Ювентус"нинг асосий мақсади Нету бўлмоқда, "Сиена" эса молиявий томондан келишувга келинса, ҳимоячисини сотишга тайёр.

Португалиялик ушбу футболчига ўз вақтида Москванинг "Динамо" клуби ҳам қизиқиш билдирган эди.

Пелузо масаласида ,"Ювентус" бу футболчини  кейинроқ сотиб олиш ҳуқуқи билан ёзда ижарага олмоқчи бўлган эди.