"Барселона" вингери Рафинья Диас "Реал" билан бўлажак ўйинда майдонга тушишга тайёрлиги ҳақида ўз фикрлари билан ўртоқлашди.
Бразилиялик футболчи сентябрь ойи охирида "Севилья"га қарши ўйинда сонидан жароҳатланган эди. Рафиньянинг тикланишининг аниқ вақти ҳозирча номаълум, аммо прогнозларга кўра, футболчи 28 октябрь куни бўлиб ўтадиган "Эл-Класико" олдидан сафга қайтиш имкониятига эга.
"Класико"да ўйнай олишимни ҳали ҳам билмайман, лекин мен бу ўйинда албатта иштирок этишни хоҳлайман", - деди 26 ёшли футболчи.
Рафинья Диас жорий мавсумда “Барселона” сафида 7 та ўйинда майдонга тушиб, 2 та гол ва 3 та голли узатмага муаллифлик қилган.
