"Барселона" келгуси трансфер ойналари учун таркибини кучайтиришни режалаштирмоқда. Todofichajes хабарига кўра, Леверкузеннинг "Байер" клуби ҳужумкор ярим ҳимоячиси Флориан Вирц Каталония грандининг радарида.
Вирцга кўплаб йирик номлар қизиқиш билдирмоқда, бироқ футболчи аввалроқ "Барселона"га мухлислик қилишини ва бу Каталония клубига келишувни якунлашда ёрдам бериши мумкинлигини айтганди. Флорианнинг Леверкузен билан амалдаги шартномасида уни 100 миллион еврога сотиб олиш имконияти мавжуд.
Флориан Вирц 20 ёшда. Ярим ҳимоячи "Байер"нинг асосий жамоасида 113 ўйин ўтказиб, ўз шериклари сафида 26 гол ва 34 голга ассистентлик қилган.
