Саудия Арабистонининг «Ан-Наср» клуби ижрочи директори Марсело Саласар жамоанинг юлдуз ҳужумчиси Садио Мане ҳақида гапирди.
«Садио клубимиз сафида ўйнаганидан хурсандмиз. Мане жаҳон даражасидаги футбол юлдузи ва фантастик футболчи.
У «Ан-Наср»га ўтганидан хурсанд. Биринчи кунданоқ Садио машғулотларда ҳам, ўйинларда ҳам табассум қиларди», - деди Саласар.
Мане ёзги трансфер ойнасида «Бавария»дан «Ан-Наср»га ўтди. Битим суммаси 30 миллион еврони ташкил этди.
Садио Саудия клуби билан 2026 йилнинг июнь ойи охиригача мўлжалланган узоқ муддатли меҳнат шартномасини имзолади.