Saudiya Arabistonining «An-Nasr» klubi ijrochi direktori Marselo Salasar jamoaning yulduz hujumchisi Sadio Mane haqida gapirdi.
«Sadio klubimiz safida o‘ynaganidan xursandmiz. Mane jahon darajasidagi futbol yulduzi va fantastik futbolchi.
U «An-Nasr»ga o‘tganidan xursand. Birinchi kundanoq Sadio mashg‘ulotlarda ham, o‘yinlarda ham tabassum qilardi», - dedi Salasar.
Mane yozgi transfer oynasida «Bavariya»dan «An-Nasr»ga o‘tdi. Bitim summasi 30 million yevroni tashkil etdi.
Sadio Saudiya klubi bilan 2026 yilning iyun oyi oxirigacha mo‘ljallangan uzoq muddatli mehnat shartnomasini imzoladi.