"Брайтон" вингери Ансу Фати Испания терма жамоасининг асосий таркибига қайтди.
"Қизил фурия" бош мураббийи Луис де ла Фуэнте 20 ёшли футболчига Тошкент вақти билан 23:45да бошланадиган Норвегияга қарши Евро-2024 саралаш ўйинида асосий таркибдан жой олишни ишониб топширди.
Opta портали хабарига кўра, бу Фати учун 2022 йилнинг ноябрь ойидан (Иорданияга қарши ўртоқлик ўйини), испанларни Луис Энрике бошқарган пайтдан бери терма жамоадаги илк асосий таркибда майдонга тушишидир.
Эслатиб ўтамиз, Ансу Фати жорий мавсум охиригача "Брайтон"га ижарага берилган.