Виктор Осимхен ноябрь ойининг охиригача майдонга қайтмаслиги мумкин.
Sky Sport Italia нашри хабарига кўра, Нигериялик футболчининг Саудия Арабистони терма жамоасига қарши ўйинда (2:2) сонини жароҳатлаган ва "Наполи"да чуқурлаштирилган кўрикдан ўтган. Унга ўнг сонининг орқа юзасининг ўртача оғирликдаги жароҳати ташхиси қўйилган.
Тахминларга кўра, ҳужумчи тўрт ҳафтадан олти ҳафтагача майдонга туша олмайди, аниқроқ саналар яқин кунларда аниқланади. У 29 октябрь куни "Милан"га қарши ўйнамайди.
Жорий мавсумда Осимхен А Серияда 8 та ўйин ўтказиб, 6 та гол урди.
