Англия терма жамоаси бош мураббийи Гарет Саутгейт асосий учрашув олдидан журналистлар билан суҳбатлашди.
Инглизлар 17 октябрь куни Италияни қабул қилишади. Агар улар асосий рақибини мағлуб этишса, Саутгейт жамоаси Евро-2024да иштирок этишни кафолатлайди.
"Ҳа, бизга дуранг ҳам мос келади, аммо биз ғалаба қозонишни хоҳлаймиз. Саралаш босқичи бошида эришган натижаларимиз бизни мустаҳкам ўринга қўйди. Асосий мақсад Еврога йўлланмани қўлга киритиш, лекин, албатта, биз биринчи ўринни эгаллашни хоҳлаймиз. Италия сўнгги икки жаҳон чемпионатини ўтказиб юборди, бу эса йирик турнирларга саралаш қанчалик қийинлигини эслатиб туради. Ҳамма нарсани оддий деб қабул қила олмайсиз", - деди Саутгейт ўйинолди матбуот анжуманида.
