Ўзбекистон миллий жамоаси бош мураббийи Сречко Катанец Хитойга қарши бўлиб ўтган ўртоқлик ўйини (2:1) борасида ўз фикрлари билан ўртоқлашди.

— Биринчи навбатда айтишим мумкинки, ўйин шиддатли кечди. Биз ғалабага муносиб эдик, деб ҳисоблайман. Чунки 90 дақиқа давомида биз ҳужум қилдик. Хитой эса яхши ҳимояланди.

Биринчи бўлимдан у қадар кўнглим тўлмади. Чунки шогирдларим тўп билан секин муомалада бўлишди. Бундан ташқари, баъзида хатоларга йўл қўйдик. Шу билан биргаликда тўпни олдинги чизиққа етказишда муаммолар юзага келди.

Иккинчи таймда эса вазиятни тўғирладик, ўйинга темп қўшдик. Шунинг учун керакли натижага эришдик, деб ўйлайман. Ғалаба билан футболчиларни табриклайман.

— Ўйиндан олдинга матбуот анжуманида майдон ҳолати ҳақида гапириб ўтгандингиз. Бугунги ўйинга майдон ҳолатидан келиб чиқиб тактика танладингизми?
— Бугунги тактикани майдонга алоқаси йўқ эди. Бугун ҳам айтишим мумкинки, майдон футболчиларга жароҳат етказиб қўйиши нуқтаи назаридан хавфли эди. Шунинг учун бугун ўйинчиларим жароҳат олмаслигига умид қилдим.