Франциялик афсонавий ҳужумчи Тьерри Анри испаниялик мураббий Хосеп Гвардиола ҳақида гапирди.
“Гвадиола мен учратган энг яхши мураббий. У шунчаки шафқатсиз. Буни сафар ўйинларига борганимда ҳис қилгандим ва у мени захирада ўтиришга мажбур қилди. Бу мен учун қийин эди. Аммо Гвардиола фақат югуришни хоҳлайди, шунинг учун уни тушуниш мумкин. Бу билан у жамоа менсиз ҳам яхши ўйнай олишини кўрсатди", - деди Анри.
Гвардиола ҳозирда "Манчестер Сити" бош мураббийи ҳисобланади. Испаниялик мутахассис қўл остида “шаҳарликлар” ўтган мавсумда “требл”га эришганди.
