Кейинги ёзда ҳужумчи Витор Роке «Атлетико Паранаэнсе»дан «Барселона»га ўтади. Бразилиялик футболчининг сўзларига кўра, ҳатто ҳимоячи Рональд Араухо ҳам уни Каталония клубига таклиф қилган.
«Араухо «Барселона» билан шартнома имзолашимдан олдин ҳам менга қўнғироқ қила бошлаганди. У менинг жамоадошим Каноббиога хабар юборди. У шундай деди: «Виторга айтингчи, биз билан «Барса»да бўлсин».
У ҳар қандай ҳолатда ҳам «Барса»да бўлишимни хоҳлаган. Кейин эса мени кутаётганини ўз гапига қўшиб қўйди», - деди Роке Mundo Deportivo нашрига.
