"Манчестер Сити" ва Испания терма жамоаси ярим ҳимоячиси Родри Эрнандес ҳимоя марказида ўйнашга қандай тайёргарлик кўргани ҳақида гапириб берди.

"Мураббийнинг мени марказий ҳимоя позициясига ўтказиш қарори мени ҳайратда қолдирмади. Гап жаҳон чемпионатида ўйнаш ҳақида кетаяпти – мен учун умуман ўйнамагандан кўра, қанотда ўйнаш ҳам яхши бўларди. Мен марказий ҳимоячи бўлишим мумкинлигини билардим, аммо жаҳон чемпионати алоҳида масъулият. Мен Жанубий Африкадаги жаҳон чемпионатида Пуйоль ва Пике қандай ҳаракат қилганини ўргандим. Агент уларнинг мен учун ўйнаган клипини тайёрлади", - дея Родрининг сўзларини келтиради Mundo Deportivo.