Лондоннинг "Арсенал" клуби собиқ футболчиси Тьерри Анри яқин ўтмишда ўзини жамоа ўйинларини томоша қилишга мажбурлаганини тан олди.
"Мен ўйинларга фақат "Арсенал" мухлиси бўлганим учун бордим, хоҳлаганим учун эмас. Жамоанинг ўйинларини томоша қилишим керак эди, лекин буни хоҳламадим. Ҳозир мен нима бўлаётганини тушунаман. Мен Артетанинг қилган ишларини жуда қадрлайман. У бизга жамоани қайтариб берди”, деди афсонавий собиқ ҳужумчи.
Микель Артета "Арсенал"ни 2019 йилнинг декабрида қабул қилиб олган эди. Айни дамда лондонликлар АПЛ турнир жадвалида иккинчи ўринни эгаллаб турибди.
