"Интер" бош директори лавозимини эгаллаб турган Жузеппе Маротта яна Лаутаро Мартинеснинг янги шартномаси билан боғлиқ вазият ҳақида гапирди.
“Интер” яқин орада аргентиналик форвард билан шартномани узайтириш ниятида эканлигини бир неча бор билдирган. Мартинеснинг ўзи ҳам келажагини клуб билан боғлашга тайёрлигини тан олди.
Маротта 26 ёшли ҳужумчини эркин агент сифатида "ПСЖ"га кетган Милан Шкриньяр билан солиштирди: "Лаутаро қолиб, шартномасини узайтирмоқчи. У умуман Шкриньярга ўхшамайди ва агар у қолишни хоҳлаётганини айтса, у ҳақиқатан ҳам буни англатади. Музокараларда жиддий ютуқларга эришдик. Мен Лаутарони бугунги кунда А Сериянинг энг яхши футболчиси деб биламан", - деди Маротта.
