Ярим ҳимоячи Карлос Солер "ПСЖ"даги кам ўйин вақтидан норози. Шу фонда 26 ёшли футболчи қишки трансфер ойнасида клуб рўйхатини ўзгартириш ҳақида ўйламоқда.
Todofichajes хабарига кўра, Солер Испания чемпионатига қайтиши мумкин. "Атлетико", "Реал Сосьедад" ва ҳатто "Барселона" ҳам бу футболчи учун музокара олиб боришга тайёр. Карлоснинг январдаги трансфери 20 миллион евро атрофида бўлиши мумкин. Футболчининг Париждаги амалдаги шартномаси 2026/2027 йилги мавсум охиригача амал қилади.
Илгари Карлос Солер ўз ватанида "Валенсия"да ўйнаган.