Ҳуқуқлари "Бавария"га тегишли бўлган чап қанот ҳимоячиси Альфонсо Дэвис Испания чемпионатининг топ-клубида ўйнаш имкониятига эга, деб хабар беради Bild журналистлари.
Манбага кўра, "Реал Мадрид" 22 ёшли футболчига бўлган қизиқишни сусайтирмаяпти. "Қироллик клуби" келаси йили Альфонсони қўлга киритишни кутмоқда, ўшанда унинг "Бавария" билан шартномасида бор-йўғи бир мавсум қолган бўлади. “Лос Бланкос” раҳбарияти Дэвис трансфери учун 40 миллион евро тўлашга тайёр.
2023/2024 йилги мавсумда ҳимоячи мюнхенликлар сафида 11 та ўйинда иштирок этган. Ушбу учрашувларда канадалик учта голли узатмани амалга оширди.
