Каталониянинг «Барселона» клуби президенти Жоан Лапорта ярим ҳимоячи Френки де Йонгни 100 миллион еврога сотиши мумкинлигини тан олди.
Эслатиб ўтамиз, 2022 йилнинг ёзида голландиялик футболчига «Челси» ва «Манчестер Юнайтед» клублари қизиқиш билдирганди.
«Бизда Де Йонгни 100 миллион еврога сотиш имконияти бор эди. Биз таклифни қабул қилишни истамадик, чунки уни йўқотишни истамадик, чунки Френки бизнинг асосий ўйинчимиз», - дея Лапортанинг сўзларини келтиради журналист Фабрицио Романо.
Де Йонг «Барселона»нинг энг кўп маош олувчи футболчиси бўлиб, йилига 30 миллион евродан ортиқ маош олади.
Голландиялик футболчи Каталония клубида 2019 йилнинг ёзидан буён тўп тепмоқда.
