"Мальорка" билан ўйинда (1:0) "Реал Сосьедад" мухлислари Фаластинни қўллаб-қувватлашди.
Ла Лига ўйини бошланишидан олдин мухлислар бир нечта Фаластин байроқларини намойиш қилишди. Ўйиннинг 12-дақиқасида мухлислар 20 га яқин байроқларни кўрсатиб, “Фаластинга озодлик” дея ҳайқиришди. Бу қўшиқни стадионнинг катта қисми қўллаб-қувватлади.
Шу фонда мухлислар трибуналарида можаро келиб чиқди ва бу низо хавфсизлик хизмати ёрдамида ҳал қилинди ва томошабинлардан бирини стадиондан олиб чиқиб кетишди.
Ўйин давомида Фаластин байроқлари намойиш этилди. Бундан ташқари, мухлислар "Исроил - қотил давлат" деб ҳайқиришди.
Қайд этиш керакки, “Реал Сосьедад” ўз мухлисларига сиёсий позицияни намойиш қилишни тақиқламади.
20 октябрь куни “Осасуна” мухлислари “Гранада” билан ўйинда (2:0) ҳам шундай акция ўтказишди.
