«Барселона» бугун тунда «Атлетик»га қарши ўйин ўтказади. Хави ушбу ўйинга бир қатор муҳим ўйинчилар билан чиқади, «Атлетик» ҳамон «Барселона»нинг энг қулай рақибларидан бири бўлиб қолмоқда.

Қуйида ушбу ўйинга оид қизиқарли фактлар ва статистикаларни тақдим этамиз. 

Ажабланарли уй рекорди

«Барселона» Ла Лигада «Атлетик»га қарши сўнгги ўн тўққизта ўйинда 18 та ғалаба қайд этди ва атиги бир ўйинда дуранг ўйнади ва бу ўйинларда мумкин бўлган 57 очкодан 55 очко тўплади.

«Барселона» 22 йилдан бери Бильбаога ўз уйида мағлуб бўлмаяпти ва охирги марта «Атлетик» 2001 йилнинг ноябрида «Камп Ноу»да ғалаба қозонган. Умуман олганда, «Барселона» уй ва сафар ўйинларини ҳисоблаганда мумкин бўлган 63 очкодан 57 очко тўплаган.

«Барселона»нинг севимли «қурбони»

«Атлетик» клуби ҳам «Барселона»га қарши энг кўп гол ўтказган жамоа бўлиб, улар каталонияликларга қарши 351 та гол ўтказиб юборган ягона клуб бўлиб қолмоқда. «Барселона» сўнгги 51 учрашувдан фақат 3 баҳсда гол ура олмади.

Хави «Атлетик»га мағлуб бўлмаган

«Барселона» Хави бош мураббий этиб тайинланганидан буён ҳеч қандай мусобақада Бильбаога ютқазмаган. Унинг вақтида каталонияликлар 9 та гол урди ва бунинг эвазига гол ўтказиб юбормади. Бироқ, Хави ва Эрнесто Вальверде бор-йўғи икки марта тўқнаш келишган.

Вальверденинг «Барселона»га қарши рекорди

Вальверде бир мунча вақтдан бери Ла Лигада мураббийлик қилмоқда, аммо унинг ғалаба қозониш бўйича энг паст кўрсаткичи каталонияликларга тўғри келади, чунки у «кўк-анорранглилар»га қарши ўйинларнинг атиги 10 фоизида ғалаба қозонган.

Мартинеснинг Бильбаога урган голлари

Иньиго Мартинес бугун кечқурун собиқ жамоасига қарши ўйнаши мумкин, аммо у «Атлетик»да ўйнаган пайти «Барселона» унинг фаолиятида энг кўп тўқнаш келган рақиб эди.

Бироқ, у бундан олдин «Реал Сосьедад» сафида ўйнаганида «Атлетик» дарвозасига иккита гол урган ва бугун кечқурун бу кўрсаткични ошира оладими, буни кўриб оламиз.