Қанот ярим ҳимоячиси Жереми Доку ўзининг "Манчестер Сити"даги жамоадошларини энг яхши жамоа эканликларини исботлашда давом этишга чақирди.
Бир кун олдин Доку ўзининг ажойиб ўйини билан "Манчестер Сити"га "Брайтон" устидан 2:1 ҳисобида қийин ғалаба қозонишга ёрдам берди.
"Бу жуда муҳим натижа - нафақат жадвал нуқтаи назаридан, балки биз ва зиммамиздаги нарсалар учун ҳам.
Бу қийин ўйин бўлди, лекин бизда яхши жамоа бор, менинг фикримча, энг яхши жамоа ва биз буни ҳар сафар, ҳар бир ўйинда исботлашимиз керак. Мана биз буни уддаладик", - деди Доку The Independent билан суҳбатда.
