Нидерландия терма жамоасининг собиқ футболчиси Руд Гуллит "Манчестер Юнайтед" ҳужумчиси Расмус Хойлунд ҳақида ўз фикрлари билан ўртоқлашди.
“Мен ҳужумчи гол уриши кераклигига ишонаман. Гол урса, ўзига бўлган ишонч пайдо бўлади. Кейин қолган жамоа футболчилари уни қидиради. Ҳозирда "Манчестер Юнайтед" футболчилари Расмусни тез-тез майдонда излашмайди. Ҳужумчилар кўпинча худбин бўлади, уларга гол керак. Агар ҳужумчи жамоада бахтли бўлса, бу бошқа ўйинчиларга катта таъсир қилади", - дея Руднинг сўзларини келтиради Goal.com.
Эслатиб ўтамиз, Хойлунд ўтган ёзда “Аталанта”дан “Манчестер Юнайтед”га ўтган эди. Унинг трансфери манкунианликларга 75 миллион еврога тушди.
