Қанот ҳимоячиси Дуглас Коста "Лос-Анжелес Гэлакси"ни эркин агент сифатида тарк этади.
Бразилиялик футболчининг шартномаси шу йилнинг охиригача мўлжалланган, бироқ томонлар ўртасидаги ҳамкорлик эртароқ якунланади. 33 ёшли футболчи зудлик билан Америка клубини тарк этишга қарор қилди, дея хабар беради нуфузли инсайдер Фабрицио Романо.
Футболчи фаолиятини давом эттириш учун турли вариантларни кўриб чиқмоқда. Унга Саудия Арабистони чемпионати вакиллари аллақачон қизиқиш билдиришмоқда.
Дуглас Коста 2022 йилдан бери жамоада ўйнаб келмоқда. У АҚШ жамоаси сафида 51 та ўйинда 8 та гол ва 8 та голли узатмага муаллифлик қилган.
