"Тоттенхэм" Англия Премьер-лигасининг яқин тарихидаги энг яхши стартини ўтказмоқда.
Анге Постекоглу шогирдлари бугунги 9-тур учрашувида “Фулхэм”ни мағлуб этиб, шаҳардошлари дарвозасига жавобсиз иккита гол киритишди. "Шпорлар" мумкин бўлган 27 очкодан 23 очко тўплади - бу клуб тарихидаги иккинчи энг юқори натижа ва 1960/61 йилги мавсумдан бери энг яхши натижа (тўққизта ўйинда тўққизта ғалаба) - ўша мавсум лондонликлар учун чемпионлик билан якунланганди.
“Тоттенхэм” АПЛ турнир жадвалида Лондоннинг “Арсенал” ва “Манчестер Сити” клубларидан 2 очко олдинда бормоқда. 27 октябрь куни жамоа 12 очко билан 11-ўринда бораётган “Кристал Пэлас” билан меҳмонда учрашув ўтказади.
