“Барселона” ва “Манчестер Сити” 2023 йилги очколар жадвалида пешқадамлик қилмоқда.

Европанинг беш етакчи лигаси иштирокчилари орасида “кўк-анорранглилар” ва “шаҳарликлар”дан бошқа ҳеч ким 74 очко тўплай олмади. Испания жамоаси Ла Лигада 33, Англия жамоаси эса Премьер-лигада 31 ўйин ўтказди.

“Атлетико” лиганинг 32 ўйинидан кейин 72 очко билан учинчи ўринда бормоқда. "Боруссия Дортмунд" 4-ўринда (27 ўйиндан 66 очко), "Наполи" 5-ўринда (32 ўйиндан 66 та), "Реал" 6-ўринда (33 ўйиндан 65 та).

Шунингдек, кучли ўнталикдан “Интер” (32 турда 64 та), “Арсенал” (31 турда 62 та), “Астон Вилла” (31 турда 62 та) ва “Ювентус” (32 турда 61 та) жой олган.