Кеча тунда "Насаф" ва "Навбаҳор"нинг гуруҳдаги рақиблари - "Ас-Садд" ва "Ал-Ҳилол" ўз рақибларини 6:0 ҳисобида тор-мор этишди.
ОЧЛ бу мавсумида гуруҳ ғолиблари ва фақатгина энг яхши учта 2-ўрин соҳиблари плей-офф босқичига чиқишини инобатга олган ҳолда, жамоаларимизнинг гуруҳдан чиқиш имкониятларига баҳо берамиз.
"B" гуруҳи (3-турдан кейинги вазият)
| № | Жамоа | Ўйин | Ғалаба | Дуранг | Мағ-т | Т-Н | Очко | |
|---|---|---|---|---|---|---|---|---|
| 1 |  |
Шаржа | 3 | 2 | 1 | 0 | 2-0 | 7 |
| 2 |  |
Насаф | 3 | 2 | 0 | 1 | 4-2 | 6 |
| 3 |  |
Ас-Садд | 3 | 1 | 1 | 1 | 7-3 | 4 |
| 4 |  |
Ал-Файсалий | 3 | 0 | 0 | 3 | 0-8 | 0 |
"Насаф" плей-офф масаласини ҳал қилиш учун ўз майдонида бўладиган кейинги 2 та ўйинда "Шаржа" ва "Ал-Файсали" жамоаларини мағлуб этиши лозим. Шунда "Ас-Садд"га қарши сафардаги сўнгги тур ўйини расмиятчиликка айланади. "Ас Садд"нинг кеча ўз майдонидаги ўйинидан келиб чиқиб, гуруҳдан чиқиш масаласини сўнгги турга қолдирмаган маъқул.
"D" гуруҳи (3-турдан кейинги вазият)
| № | Жамоа | Ўйин | Ғалаба | Дуранг | Мағ-т | Т-Н | Очко | |
|---|---|---|---|---|---|---|---|---|
| 1 |  |
Ал-Ҳилол | 3 | 2 | 1 | 0 | 10-1 | 7 |
| 2 |  |
Навбаҳор | 3 | 2 | 1 | 0 | 6-2 | 7 |
| 3 |  |
Нассажий Мозандарон | 3 | 1 | 0 | 2 | 3-5 | 3 |
| 4 |  |
Мумбай Сити | 3 | 0 | 0 | 3 | 0-11 | 0 |
"Навбаҳор" қолган 3 та ўйинда 4 очко жамғарса, гуруҳдан чиқиш масаласини ижобий ҳал этади. "Нассажий"га қарши сафар ўйинида рақибларимиз сафидаги 2 та асосий ҳимоячи дисквалификация туфайли ўйинни ўтказиб юборишади. Энг асосийси, "Навбаҳор" сафарда натижа учун ўйнай олишини барчамиз яхши биламиз.
