Фаолияти давомида ярим ҳимоячи Миралем Пьянич икки йирик футбол юлдузи - Криштиану Роналду ва Лионель Месси билан бирга ўйнаш бахтига муяссар бўлган.
«Мен Роналду билан кўп гаплашаман. У билан кўп умумий хотираларим бор, у ажойиб футболчи. Мен у билан ҳам, Месси билан ҳам ўйнаш бахтига муяссар бўлдим.
Ким кучлироқ эканини айтиш қийин. Лекин мен Месси билан эмас, балки Роналду билан ўйнашдан кўпроқ завқ олдим», - дея Пьяничнинг сўзларини келтирмоқда O Jogo.
Ҳозирда Криштиану Роналду Саудия Арабистонида «Ан-Наср» сафида тўп тепмоқда. Месси ўз навбатида МЛСдан «Интер Майами» шарафини ҳимоя қилади.
