"Арсенал" ҳужумчиси Габриэль Жесус Чемпионлар лигаси гуруҳ босқичи 3-тури доирасида "Севилья" устидан қозонилган ғалаба (2:1) ҳақида фикр билдирди. Бразилиялик футболчи учрашувнинг энг яхши футболчиси деб топилди.
"Бу ажойиб. Бу ерда биз каби дадил ўйнаш осон эмас. Рақиблар қийин ўйин услубига эга: юқори тоифадаги футболчилар туфайли улар тўпни ўзларида ушлаб туришади. Бундан ташқари, стадион, ундаги атмосфера - бу ерда шовқинли. Аммо биз бу ерга келдик ва буни уддаладик, шунинг учун жамоани табриклайман. Бу бизга ишонч бағишлайди, лекин шу билан бирга биз кўпроқ нарсани хоҳлаймиз”, - дея Жесус сўзларини келтиради УЕФА матбуот хизмати.
