Каталониянинг «Барселона» клуби Чемпионлар лигаси гуруҳ босқичи 3-турида Украинанинг «Шахтёр» жамоасини 2:1 ҳисобида мағлуб этди ва бу ғалаба клуб учун Европанинг энг нуфузли  турниридаги юбилей баҳсга айланди.

Чемпионлар кубоги ва Чемпионлар лигаси номи остидаги турнирлар ҳисобга олинди. Бунга эришиш учун «Барселона»га 341 та ўйин керак бўлди. Бу ўйинларнинг барчасида каталонияликлар 675 та гол уриб, 344 та гол ўтказиб юборишган.

Жамоа 5 марта Чемпионлар лигасида ғолиб чиққан, биринчи марта бу 1992 йилда содир бўлган, кейин 2006, 2009, 2011 ва 2015 йилларда такрорланган.

Яна уч марта, 1962, 1986 ва 1994 йилларда жамоа Европанинг энг нуфузли турнири финалида ўйнаган, аммо ўша йилларда мағлуб бўлган.