Швейцария прокуратураси Халқаро футбол федерацияси (ФИФА) президенти Жанни Инфантино устидан терговни якунлади. Бу ҳақда ташкилот расмий сайти хабар берди.
"Бу мен ва ФИФА учун ғалаба. Менга қўйилган айбловлар шунчаки обрў-эътиборимни бузишга уриниш эди. Мен доим қонун доирасида ҳаракат қилганман" - деди ФИФА президенти.
Инфантинога қарши суд жараёни 2020 йилнинг ёзидан бери давом этмоқда. Раҳбарга мамлакат федерал прокурори лавозимида ишлаган Михаэл Лаубер билан учрашувлари туфайли мансаб ваколатини суиистеъмол қилишга ундаш, расмий сирларни бузиш ва жиноий таъқибга тўсқинлик қилиш айбловлари қўйилган эди.
