Англия Премьер-лигасининг икки топ-клуби "Реал Сосьедад" марказий ҳимоячиси Рубен ле Норманга кўз тикди. Teamtalk нашри хабарига кўра, 26 ёшли футболчига "Манчестер Юнайтед" ва "Ливерпуль" клублари қизиқиш билдирмоқда.
Манбанинг айтишича, "манкунианликлар" ва "мерсисайдликлар" Ле Норманни диққат билан кузатишмоқда. Ҳар икки клуб Рубеннинг трансферини келаси йили амалга оширишга қарор қилиши мумкин.
Шу кунгача Ле Норман Испания терма жамоаси сафида 6 та ўйин ўтказган. Марказий ҳимоячининг "Реал Сосьедад" билан шартномаси 2026 йилнинг ёзига қадар мўлжалланган. Жорий мавсумда Рубен Испания чемпионатида тўққизта ўйинда битта гол урди.
