"Лион" бош мураббийи Фабио Гроссо яқин орада ишини йўқотиши мумкин.
Италиялик мутахассис 18 сентябрь куни Лоран Бланнинг ўрнига Франция жамоаси бошқарувини қабул қилиб олганди, бироқ бу ўзгаришлар вазиятни унчалик яхшилагани йўқ – “Лион” ҳали ҳам Лига 1 жадвалида охирги ўринда. Инсайдер Николо Скиранинг фикрича, Гроссонинг клубдаги келажаги жиддий шубҳа остида. Клуб аллақачон мутахассисга ультиматум қўйган: агар жамоа бўлажак "Марсель" (29 октябрь) ва "Мец" (5 ноябрь)га қарши ўйинларда яна омадсизликка учраса, яна бир истеъфо деярли муқаррар.
"Лион" Фабио Гроссо қўл остидаги тўртта ўйинда бор йўғи бир очко тўплади. Мураббийнинг шартномаси мавсум охиригача амал қилади.
