"Манчестер Сити" ҳимоячиси Кайл Уокер "Манчестер Юнайтед"га қарши ўйин олдидан Маркус Рэшфорднинг ўйинига баҳо берди.

Пеп Гвардиола шогирдлари АПЛнинг ўнинчи турида “қизил иблислар”га қарши баҳс олиб боради. Учрашув якшанба куни "Олд Траффорд"да бўлиб ўтади.

Уокернинг сўзларига кўра, "шаҳарликлар" ҳимояси учун асосий муаммолардан бири ҳужумчи Маркус Рэшфордни зарарсизлантириш бўлади: "У йиллар давомида унга етарлича эътибор берилмаганида ҳар қандай жамоага зарар етказиши мумкинлигини кўрсатди. Маркус ёшлигидан "Манчестер Юнайтед" ва Англия термаси учун муҳим ўйинчи бўлиб келган, у жуда кўп кучли фазилатларга эга ва биз биламизки, у бўлажак ўйинда жуда хавфли бўлиши мумкин", - дея Уокернинг сўзларини келтиради City Xtra.