"Манчестер Юнайтед" марказий ҳимоячиси Харри Магуайр "Манчестер Сити"га қарши бўлажак дерби ҳақида гапирди.
“Қизил иблислар” АПЛнинг ўнинчи турида амалдаги чемпионни қабул қилади. Учрашув якшанба куни бўлиб ўтади.
“Биз бу жуда қийин синов бўлишини биламиз, лекин биз бутун эътиборимизни “Манчестер Сити”га эмас ўзимизга қаратишимиз керак. Қўлдан келганча ҳаракат қилсак, муваффақиятга эришиш учун барча имкониятларимиз бўлади.
Бу учрашув катта воқеа. "Олд Траффорд"да ажойиб муҳит бўлади ва мухлисларимиз бизни ҳар доимгидек олдинга етаклайди. Умид қиламизки, сифатли ўйин кўрсатамиз ва натижага эришамиз”, - деди Магуайр “Юнайтед” клуби каналига берган интервьюсида.
