"Реал Мадрид" мураббийлар штаби бугун бўлиб ўтадиган "Эл-Класико"га тайёргарлик кўришда "Барселона" ярим ҳимоячиси Фермин Лопесга катта эътибор қаратди.
Marca нашри хабарига кўра, "Реал Мадрид" Лопесни муболағасиз, "Барселона"нинг асосий ўйинчиси деб билади. Шу боисдан ҳам “қироллик клуби” футболчилари бугун Ферминни зарарсизлантириш учун барча имкониятларни ишга солади.
Жорий мавсумда Лопес Испания Ла Лигасида “Барселона” сафида бешта ўйин ўтказиб, битта гол урди. Ушбу мавсумда 20 ёшли ярим ҳимоячи учун Испания чемпионатидаги дебюти бўлди.