"Манчестер Юнайтед"нинг собиқ ҳужумчиси Димитар Бербатов нидерландиялик мутахассис Эрик тен Хаг бошчилигидаги жамоанинг жорий мавсумдаги ўйини ҳақида гапирди.
"Юнайтед" "Сити"ни таъқиб қилмоқда. Жамоаларнинг роллари ўзгарди. Буни кўриш оғир, лекин бу ҳақиқат. "Манчестер Юнайтед" имкон қадар тезроқ орадаги фарқни йўқотишга ҳаракат қилиши керак, акс ҳолда узоқ вақт давомида чемпионликни қўлга кирита олмаслиги мумкин. "Манчестер Юнайтед"нинг сўнгги ғалабасидан ўн йил ўтди. Бу клуб учун жуда катта фалокат", - деди болгариялик собиқ футболчи.
