Шанба оқшомида "Реал" Испания чемпионатининг 11-тури доирасида "Барселона" устидан сафарда иродали ғалабага эришди (2:1). Ярим ҳимоячи Лука Модрич иккинчи бўлимда захирадан майдонга тушди - бу ўйин унинг "Лос Бланкос" учун 500-ўйин бўлди.
Дубль муаллифига айланган Жуд Беллингем ижтимоий тармоқларда Лука Модрич билан бирга тушган суратни жойлаштирди. Англиялик футболчи хорватиялик футболчини "Реал" сафидаги 500-ўйини билан табриклаб, уни афсона деб атади. Беллингем, шунингдек, Модрич билан бирга ўйнашни ёқтиришини таъкидлади.
Мадриднинг “Реал” клуби айни дамда Ла Лига турнир жадвалида пешқадамлик қилмоқда.
