Леверкузеннинг "Байер" клуби ярим ҳимоячиси Флориан Вирц мамнуният билан каталониялик "Барселона"га ўтади. Mundo Deportivo хабарига кўра, томонлар ўртасида ўзаро манфаатдорлик бор, аммо трансфер қийин кўринади, чунки "Байер" камида 100 миллион евро товон пули талаб қилади.
Ҳозирда "Барселона" молиявий инқироз шароитида бундай пулни топиши деярли мумкин эмас.
Эслатиб ўтамиз, Вирц келаси ёзда катта эҳтимол билан "Байер"ни тарк этади. Ёш ярим ҳимоячи хизматларига Мюнхеннинг "Бавария" клуби ҳам қизиқиш билдирмоқда.
Вирц бу мавсумда Бундеслиганинг 9 ўйинида иккита гол ва тўртта голли узатмани амалга оширди.