"Арсенал" бош мураббийи Микель Артета Деклан Райснинг собиқ жамоаси билан бўлажак учрашуви ҳақида ўз фикрларини билдириб ўтди.
Чоршанба куни "болғачилар" Лига кубоги ўйинида "канонирлар"ни қабул қилишади. Райс учун бу ўн йил давомида ўйнаган "Вест Хэм"га қарши биринчи ўйин.
"Бу Деклан учун ўзига хос ўйин, чунки у "Арсенал" футболчиси сифатида бу ерга биринчи марта қайтмоқда. Собиқ жамоангизга қарши ўйнаганингизда бу туйғуни биламан - шундай дамларда қандай из қолдирганингизни ва мухлислар сиз ҳақингизда нима деб ўйлашини тушунасиз.
Райс "Вест Хэм" ҳақида фақат мақтовли сўзлар билан гапиради; у клубнинг ривожланишига қўшган ҳиссасини жуда қадрлайди. Умид қиламанки, уни шунга яраша қабул қилишади", - дея Артета сўзларини келтиради журналист Альфредо Педулла.
