"Тоттенхэм" ярим ҳимоячиси Ив Биссума майдонда Педри билан қандай учрашганини эслади.
"Шпорлар" август ойида "Барселона" билан мавсумолди ўйинида тўқнаш келган ва "блауграна"нинг 4:2 ҳисобидаги ғалабаси билан якунланган эди. Биссуманинг айтишича, у 20 ёшли ярим ҳимоячи Педрининг ўйинидан ҳайратда қолган.
"Мавсум олдидан "Барселона"га қарши ўйнаганимизда, мен Педрининг олдига бориб: "Сиз дунёнинг энг яхши ярим ҳимоячиларидан бирига айланасиз, шунинг учун менга футболкангизни беринг", дедим", - деди Биссума.