Мадриднинг “Атлетико” клуби бош мураббийи Диего Симеоне клуб билан янги шартнома имзолашга яқин турибди.
Аргентиналик мураббийнинг амалдаги шартномаси келаси йилнинг ўрталарида тугайди, бироқ томонлар аввалроқ бир неча бор хабар қилинганидек, янги шартнома шартларини келишиб олишади. Журналист Педро Фуглиананинг фикрича, Симеоненинг маоши тахминан 20-30 фоизга камаяди. Шундай қилиб, мураббийнинг маоши йилига 12-13 миллион еврони ташкил қилади.
Диего Симеоне "Атлетико Мадрид"да 2011 йил охиридан бери ишлаб келмоқда. Айни дамда "матрасчилар" Ла Лига турнир жадвалида "Реал" ва "Жирона"дан 3 очко ортда қолиб, учинчи ўринни эгаллаб туришибди.
