"Бенфика" ва Аргентина терма жамоаси ярим ҳимоячиси Анхел Ди Мария афсонавий германиялик футболчи Лотар Маттеуснинг "Олтин тўп"нинг Лионель Мессига топширилишини танқид қилганига жавоб қайтарди.
Немис футболчиси Месси 8-"Олтин тўп"га лойиқ эмаслиги ҳақида фикр билдирди ва ўтган йили "Манчестер Сити" ҳужумчиси Эрлинг Холанд янада муваффақиятли ўйнаганини таъкидлади.
"Бориб бошқа жойда йиғланг" - деб пост қолдирди Ди Мария ижтимоий тармоқда.
Маттеус 1990 йилги "Олтин тўп" соҳиби, етти карра Германия чемпиони, жаҳон чемпиони (1990) ва Европа чемпиони (1980).
