"Челси" бош мураббийи Маурисио Почеттино Лига кубогида "Блэкберн" устидан қозонилган ғалабадан сўнг ўз фикрлари билан ўртоқлашди.
“Кўклар” чемпионшир вакилларини мос равишда 30 ва 59-дақиқаларда киритилган Бенуа Бадьяшиль ва Раҳим Стерлингнинг голлари эвазига мағлуб этишди. Лондонликлар чорак финалда “Ньюкасл”га қарши баҳс олиб боради.
“Турнирда ғалаба қозониш ҳақида ўйлашимиз керакми? Ҳа, мен шундай деб ўйлайман. Биз еврокубокларда ўйнамаймиз ва Лига кубоги биз учун худди Премьер-лига ва Англия кубоги каби муҳим бўлиши керак. Албатта, биз рақобатда ғалаба қозона оламиз деб ўйлашимиз керак", - деди Почеттино ўйиндан кейинги матбуот анжуманида.
